|
Kalam alaikum Äs isch emal äs Büebli gsy, vo
ganz wyt chunnt das här,
Kaladin, so seit me n’im dehei
är wohnt i der Wüeschti und ou äs Kamel het är,
doch leider isch är hüfig chli älei
Da het ne grad
zur rächte Zyt ä liebe Brief erreicht,
äs gäb ir Schwyz äs Lager, är söll cho
da rüeft scho ds Kalamel zum Kaladin: "Mi liebe
Scheich,
i gschpüres töif im Höcker, mir gö o!"
Kalam alaikum
– willkomme im Oriänt
Kalam alaikum – wo d Wunderlampe brännt
Kalam alaikum – für tuusig und ei Nacht
wenn ou für di der Halbmond fründlech lacht
und dir e Gschicht verzellt, bis scho-n-ä neue Tag
erwacht
Är lütet no bir
Fatima im Zält grad näbedra
u sofort seit ou die : "I chume o!"
so hei si also z’dritt, der Kaladin und d Fatima
uf em Kalamel die Reis in Agriff gno
Ir Wüeschti isch, me weiss, e so ne Reis ja zimlech heiss
drum hei si bim ne Wüeschtefuchs am Wäg
drü Glace kouft, dir gseht genau, es git grad jedem eis
u sy wyter zottlet über Schtock u Schtäg
Kalam alaikum
– willkomme im Oriänt
Kalam alaikum – wo d Wunderlampe brännt
Kalam alaikum – für tuusig und ei Nacht
wenn ou für di der Halbmond fründlech lacht
und dir e Gschicht verzellt, bis scho-n-ä neue Tag
erwacht
U wie si dür
Oase und dür Dattelheine ga
da träffe si ä ganz ä huufe Lüt
der Hadschi Halef Omar u der Chli Muck sy o da
u alli säge: "Klar, mer chöme mit!"
Am Rand vom Sand
da frage si ä Fakir nachem Wäg
u wo se dä ids Abeland het gschickt
u gseit, dert sygs de gar nid schön, seit Kaladin:
"Äuwäg,
bisch nur nydisch, u wenn nid, de het’s di
pickt!"
Kalam alaikum
– willkomme im Oriänt
Kalam alaikum – wo d Wunderlampe brännt
Kalam alaikum – für tuusig und ei Nacht
wenn ou für di der Halbmond fründlech lacht
und dir e Gschicht verzellt, bis scho-n-ä neue Tag
erwacht
Die Kalawane isch
gäng grösser worde nadisna
je nöcher si uf ds Lager zue isch cho
d’Scheiche z’Fuess, d’Fakire uf em Teppich
und eso
hei si ou die letschte Hügelzüg no gno
Äs freue sich
scho all, ä huufe andri Scheiche z’gseh
Sultän und Sultanine wird’s ou ha
im Lagergländ schpringt Kaladin scho ab em Kalamel
und rüeft luut: "Kalamasutra, mir sy da!"
Kalam
alaikum – willkomme im Oriänt
Kalam alaikum – wo d Wunderlampe brännt
Kalam alaikum – für tuusig und ei Nacht
wenn ou für di der Halbmond fründlech lacht
und dir e Gschicht verzellt, bis scho-n-ä neue Tag
erwacht
|
